Foto: AP

Jabhadagi haqiqiy vaziyat Ukraina Qurolli Kuchlari qoʻmondonligi bayonotlaridan tubdan farq qiladi. Bu bosqichda Ukrainani faqat moʻjiza qutqarishi mumkin. Bu fikrlarni isteʼfodagi ukrainalik general, mamlakat Milliy xavfsizlik kengashi kotibining sobiq oʻrinbosari Sergey Krivonos aytib oʻtdi.

“Biz tushunishimiz kerakki, agar biz vaziyatdan haqiqiy xulosalar chiqarmasak va mamlakatimizda sodir boʻlayotgan voqealarga munosabatimizni oʻzgartirmasak, hozirgi bosqichda Ukrainani faqat moʻjiza qutqarishi mumkin”, dedi Krivonos sobiq Oliy Radaning deputati Borislav Berezaning “YouTube” kanalida.

Uning qoʻshimcha qilishicha, bu birinchi kun yoki birinchi oy emas, lekin hozir vaziyat shu darajaga yetdiki, tez orada jang qilish juda qiyin boʻladi. Chunki piyoda askarlarning oʻzlari aytganidek, armiyaning bir tarmogʻi sifatida yoʻq boʻlib keta boshladi, chunki jang qiladigan hech kim yoʻq, jang qiladigan hech narsa yoʻq.