«У ҳар доим 18 ёшда қолади» — «Бавария»нинг собиқ футболчиси жароҳатидан сўнг вафот этди
Архив фото
Германиянинг «Бавария» клубининг собиқ ёш футболчиси Го Цзясюань февраль ойида бошидан олган жароҳати оқибатида 18 ёшида ҳаётдан кўз юмди.
«Биз футболни яхши кўрадиган боламизни йўқотдик», дея хабар тақатди айни пайтдаги унинг жамоаси «Беижинг Гуоан» футбол клуби.
Футболчи шу йилнинг 6 февраль куни Испанияда «РC Алкобендас»га қарши машғулот ўйини вақтида жароҳат олган эди. Бир эпизодда рақиб унинг бошига тиззаси билан урган, шундан сўнг Цзясюань ҳушини йўқотган. Бахтсиз ҳодисадан сўнг футболчи Хитойга олиб кетилган, бироқ уни сақлаб қолишнинг иложи бўлмаган. Шифокорлар унинг миясига кислород етиб бормаётгани туфайли клиник ўлим қайд этишган.
Цзясюаннинг қариндошлари Пекин футбол федерациясини воқеани тўғри ўрганмаганликда айблаб, аниқлик киритишни талаб қилишди. «Беижинг Гуоан» ўйиндан олинган видеоёзувларни аллақачон қабул қилиб, таҳлил қилиш учун экспертларга топширганини хабар қилди.
Цзясюань 20 март куни 19 ёшга тўлиши керак эди. Унинг акаси футболчининг оқ-қора суратини жойлаб, «У доим 18 ёшда қолади», деб ёзган.
Тавсия этамиз
Кўп ўқилганлар
- Эҳтиёжманд оилаларга электр ва газ бўйича компенсация берилади
- Танзила Нарбаева Парламентлараро иттифоқнинг 150-юбилей ассамблеяси Президенти этиб сайланди
- Тошкентда Парламент аёл аъзолари форумининг 39-сессияси бўлиб ўтди
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Айрим оилаларга бир марталик моддий ёрдам берилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг