Фото: AP

Туркия президенти Режеп Таййип Эрдоған зилзила қурбонлари сони 9057 нафарга етганини маълум қилди.

Туркиядаги зилзила қурбонлари сони 9057 кишига етди, деди Туркия президенти Режеп Таййип Эрдоған Ҳатай вилоятида қилган чиқишида.

«Айни вақтда қурбонлар сони 9057 нафарни, ярадорлар сони 52979 нафарни ташкил этмоқда», деди Туркия раҳбари.

Унинг айтишича, бугун давлат раҳбари жабр кўрган вилоятларда 6444 та бино вайрон бўлганини айтди.

Аввал хабар берганимиздек, 6 февраль куни эрта тонгда Туркиянинг Қаҳрамонмараш вилоятида 7,7 магнитудали зилзила содир бўлди. 

Эрдоғаннинг таъкидлашича, ушбу ер силкинишини 1939 йилдан бери мамлакатда юз берган энг кучлиси бўлган. Унинг ортидан мамлакатда яна ўттизга яқин ер зилзила содир бўлди. Хусусан, куннинг ўртасида эса яна 7,6 магнитудали ер силкиниши қайд этилган. Туркияда уч кундан бери силкинишлар давом этмоқда.

Бугун тушдан кейин Режеп Таййип Эрдоған зилзила эпицентри Қаҳрамонмараш шаҳрига етиб келди. Туркия раҳбари табиий офатдан жабр кўрган 10 вилоятда уй-жойидан айрилган одамлар учун ҳукумат бир йил ичида уй-жой қуришига ваъда берди.

Агар Туркияга ёрдам аста-секинлик билан келаётган бўлса, қўшни Сурияда, айниқса шимоли-ғарбдаги заиф ҳудудларда логистика нуқтаи назаридан буни амалга ошириш анча қийин. Бунга 11 йилдан бери давом этаётган фуқаролар уруши ва амалдаги давлат раҳбари Башар Асад ҳукуматига қарши халқаро санкциялар ўз таъсирини кўрсатмоқда.