Ўзбекистон Республикаси Олий Мажлиси ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг қарорига кўра, шу йил 28 март-30 апрель кунлари ўтказилган “Ҳаракатлар стратегияси, “Фаол инвестициялар ва ижтимоий ривожланиш йили” Давлат дастурини бажаришда НТТларнинг фаоллигини қўллаб-қувватлаш” мавзусидаги биринчи танловда Амударё тумани телевидениеси грант соҳиби бўлди.

- “Мажбурий меҳнат-инсон ҳуқуқларига зиддир” деб номланган лойиҳамиз 30 миллион сўмлик грантга сазовор бўлганидан хурсандмиз,-дейди Амударё телевидениеси бош муҳаррири Ғуломжон Эшниёзов. - Меҳнат миграцияси, мажбурий меҳнат ва камситишлардан жабрланган одамларни ҳуқуқий ва ижтимоий қўллаб-қувватлаш, бу борадаги тарғибот ҳамда реабилитация ишларини тизимли тарзда олиб боришга асосланган мазкур лойиҳага кўра, яқин ўн ой давомида бир қатор чора-тадбирларни амалга оширамиз. Хусусан, “Ҳуқуқшунос минбари”, “Ишга марҳамат!” сингари йигирмадан зиёд кўрсатув ва ахборот дастурлари эфирга узатилади.

Ҳидоят АҲМЕДОВ.