Oʻzbekiston Respublikasi Oliy Majlisi huzuridagi Nodavlat notijorat tashkilotlarni va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasining qaroriga koʻra, shu yil 28-mart-30-aprel kunlari oʻtkazilgan “Harakatlar strategiyasi, “Faol investitsiyalar va ijtimoiy rivojlanish yili” Davlat dasturini bajarishda NTTlarning faolligini qoʻllab-quvvatlash” mavzusidagi birinchi tanlovda Amudaryo tumani televideniyesi grant sohibi boʻldi.

- “Majburiy mehnat-inson huquqlariga ziddir” deb nomlangan loyihamiz 30 million soʻmlik grantga sazovor boʻlganidan xursandmiz, - deydi Amudaryo televideniyesi bosh muharriri Gʻulomjon Eshniyozov.-Mehnat migratsiyasi, majburiy mehnat va kamsitishlardan jabrlangan odamlarni huquqiy va ijtimoiy qoʻllab-quvvatlash, bu boradagi targʻibot hamda reabilitatsiya ishlarini tizimli tarzda olib borishga asoslangan mazkur loyihaga koʻra, yaqin oʻn oy davomida bir qator chora-tadbirlarni amalga oshiramiz. Xususan, “Huquqshunos minbari”, “Ishga marhamat!” singari yigirmadan ziyod koʻrsatuv va axborot dasturlari efirga uzatiladi.

Hidoyat AHMEDOV.