Фото: Reuters

Украина президенти Владимир Зеленский Қримдан воз кечиш ва Украинанинг НАТОга кирмаслигига розилик бериш орқали можарога деярли дарҳол барҳам бериш мумкин. Бу фикрларни АҚШ президенти Дональд Трамп айтиб ўтди.

«Зеленский истаса, Россия билан урушни деярли дарҳол тугатиши мумкин ёки жангни давом эттириши мумкин. Ҳаммаси қандай бошланганини эсланг. Барак Обама томонидан берилган Қрим қайтарилмайди ва Украина НАТОга қўшилмайди. Баъзи нарсалар ҳеч қачон ўзгармайди», — дейди у.

Хабарингиз бор, шу йилнинг 15 август куни Аляскада Россия президенти Владимир Путин ва АҚШ етакчиси ДональдТрампнинг учрашуви бўлиб ўтди.

Мулоқотда президентлар икки давлатнинг натижаларга эришиш қатъиятини таъкидлаб, ҳамкорликда иш олиб бориш учун кўплаб йўналишларни қайд этдилар.

Улар Украинадаги можарога барҳам бериш устида ишлашга тайёр эканликларини маълум қилишди. Трампнинг сўзларига кўра, келишувнинг муҳим нуқталари бўйича ҳозирча якдиллик мавжуд эмас, бироқ унга эришиш учун яхши имконият бор.

У Владимир Зеленскийни Россия билан битим тузишга чақирди, тинчлик имконияти унга ва Европа давлатларига боғлиқ.

Ўз навбатида, Путин Аляскадаги учрашув керакли қарорларга яқинлаштиришини таъкидлади.

Бугун Вашингтонда Зеленский ва Трамп ўртасида музокаралар бўлиб ўтиши кутилмоқда.