Трамп Венесуэла ҳукуматига қарши махфий операциялар ўтказишга рухсат берди
АҚШ президенти Дональд Трамп Марказий разведка бошқармасига (CIA) Венесуэла ҳукуматига қарши яширин операциялар ўтказиш ваколатини бергани маълум бўлди. Бу ҳақда Интерфакс хабар берди.
Трампнинг сўзларига кўра, бу қарор икки сабабга кўра қабул қилинган:
«Мен бунга икки сабаб билан рухсат бердим. Биринчиси — улар ўз қамоқхоналардаги маҳбусларни Қўшма Штатларга юборишган. Иккинчиси эса — гиёҳвандлик. Венесуэладан бизга жуда кўп наркотиклар кириб келмоқда,» — деди АҚШ президенти.
Аввалроқ хорижий ОАВ Трамп маъмурияти CIA’га Венесуэла ҳукумати ва унинг вакилларига қарши яширин операциялар ўтказиш ҳуқуқини бергани ҳақида хабар тарқатган эди.
Манбаларга кўра, махсус хизмат ходимларига айрим шахсларни жисмонан йўқ қилиш, Кариб денгизи минтақасида мустақил ёки кенгроқ ҳарбий операциялар доирасида ҳаракат қилиш ваколати берилган.
Тавсия этамиз
Кўп ўқилганлар
- Саудия Арабистонида «Ўзбекистон маданияти кунлари» давом этмоқда
- Тошкентда «Ўзбеккосмос» ва «NASA» агентликлари ҳамкорлигида «NASA Space Apps Challenge 2025» Ҳакатон тадбири ўтказилмоқда
- Супер ой: Бугун Ернинг табиий йўлдоши одатдагидан анча катта кўринмоқда
- ЖССТ: Ғазода бирорта шифохона тўлиқ ишламаяпти
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Марказий Осиё педагоглари Нукусда жам бўлди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг