Трамп Исроилни Иордан дарёсининг Ғарбий соҳилини аннексия қилишдан огоҳлантирди
АҚШ президенти Дональд Трамп «Time» журналига берган интервьюсида, агар Исроил Иордан дарёсининг Ғарбий соҳилини аннексия қилишга уринса, Қўшма Штатлар бу ҳолатга йўл қўймаслигини ва бу мамлакатга кўрсатилаётган барча ёрдамни тўлиқ тўхтатишини маълум қилди.
— Биз араб мамлакатларидан катта қўллаб-қувватлаш олдик. Бундай нарса содир бўлмайди, чунки мен араб давлатларига сўз берганман. Бу содир бўлмайди. Агар шундай бўлса, Исроил АҚШнинг барча ёрдамисиз қолади, — деди Трамп, Иордан дарёсининг Ғарбий соҳилини аннексия қилиш эҳтимоли ҳақидаги саволга жавобан.
Бир кун аввал АҚШ вице-президенти Жей Ди Вэнс Исроилнинг Ғарбий соҳилни аннексия қилишга бўлган ҳаракатларини «аҳмоқона сиёсий ўйин» деб атаган эди.
Аввалроқ Исроил парламенти — Кнессет Ғарбий соҳил ҳудудидаги яҳудий аҳоли пунктларига Исроил суверенитетини татбиқ этишни кўзда тутувчи икки қонун лойиҳасини дастлабки ўқишда маъқуллаган эди.
Тавсия этамиз
Кўп ўқилганлар
- 21 октябрь – Ўзбек тили байрами куни
- Самарқандда ЮНЕСКОнинг 43-сессиясига тайёргарлик авжида
- Туркий халқларнинг маънавий яловбардори
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Россия Осиё грандни мағлуб этди
- Камбағал оилалар фарзандларининг тўгарак харажатларининг 80 фоизгача қисми давлат бюджети ҳисобидан қопланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг