Тошкентда маст ҳайдовчи туфайли 5 та автомобиль тўқнашди
Иллюстратив фото
Тошкент шаҳри Янгиҳаёт туманида 23 ёшли маст ҳайдовчи сабаб 5 та автомобиль иштирокида йўл-транспорт ҳодисаси содир бўлди. Бу ҳақда пойтахт Йўл ҳаракати хавфсизлиги бошқармаси хабар берди.
Қайд этилишича, жорий йилнинг 8 февраль куни соат 15:30 ларда Янгиҳаёт тумани Янги Сергели кўчасидаги «Index» бозор ҳудудида 2002 йилда туғилган Б.Х. бошқарувидаги «Lacetti», 1984 йилда туғилган С.М. бошқарувидаги «Lacetti», 1998 йилда туғилган Б.Қ. бошқарувидаги BYD, 2001 йилда туғилган А.Э. бошқарувидаги «Spark» ҳамда 1998 йилда туғилган И.М. бошқарувидаги BYD русумли транспорт воситалари ўзаро тўқнашуви оқибатида йўл-транспорт ҳодисаси содир бўлган.
Билдирилишича, ҳодисага «Lacetti» ҳайдовчиси – 2002 йилда туғилган Б.Х. маст ҳолатда руль бошқарувини йўқотгани сабаб бўлган. Оқибатда «Spark» русумли автомашина ҳайдовчиси 2001 йилда туғилган А.Э. ва йўловчиси 2000 йилда туғилган Ф.У. га шифокорлар томонидан биринчи тез тиббий ёрдам кўрсатилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг