Тошкентда хотинини салкам 20 марта пичоқлаган эркак 15 йилдан кўпроққа қамалди
Тошкент шаҳрида рафиқасини салкам 20 марта пичоқлаган эркакнинг суд иши кўриб чиқилди. Бу ҳақда «Миллий» телеканалида маълум қилинди.
Қайд этилишича, ушбу ҳолат жорий йилнинг 1 февраль куни Янгиҳаёт туманида содир бўлган. 1978 йилда туғилган эр 1986 йилда туғилган хотинига уйни сотишга қарши бўлганлиги сабабли қасд қилган. Эркак гиёҳвандлик воситаларини қабул қилиб келганини маълум қилган.
«Шу орқамдан келиб, хўжайиним пичоқладилар. Мен пичоқни ураётганини билмагандим, дўппослаяпти деб ўйлабман. Жуда оғир аҳволда эдим», деган жабрланувчи.
Кўрсатилган зарур тиббий чоралар сабабли жабрланувчи аёлнинг ҳаёти сақлаб қолинган.
Суд томонидан эркакка нисбатан ҳукм ўқилган, аммо айбланувчи ҳукмдан норози бўлиб аппеляцияга берган. Тошкент шаҳар суди аппеляция инстанциясида кўриб чиқилган ишда Жиноят кодексининг тегишли моддалари билан тайинланган узил-кесил 15 йилу 3 ойлик озодликдан маҳрум қилиш жазоси ўзгаришсиз қолдирилди.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг