Тошкент туманидаги «Навоий» — «Қоплонбек» чегара божхона пости қайта очилди
27 январдан бошлаб Тошкент вилояти Тошкент туманида жойлашган «Навоий» чегара божхона пости («Зангиота» чегара ўтказиш пункти) синов режимида иш бошлади, дея хабар бермоқда Божхона қўмитаси матбуот хизмати.
Янги постда фуқаролар учун қулай заллар, енгил автомобиллар ва автобуслар учун алоҳида йўлаклар ташкил этилган. Шунингдек, бир вақтнинг ўзида 500 дан ортиқ енгил автомобиллар ва 100 дан зиёд автобусларни қабул қилиш имкониятига эга автотураргоҳ қурилган. Унда халқаро йўналишда ҳаракатланаётган автобус ва енгил автотранспорт воситалари, шунингдек, маҳаллий йўналишдаги жамоат транспортлари ҳамда такси хизматлари йўлга қўйилди.
Автотураргоҳда транспорт воситалари учун кутиш жойлари, тез тайёр овқатланиш шохобчалари, кафе ва бошқа хизматлар йўлга қўйилиб, халқаро йўналишдаги транспортлар учун электрон навбат тизими жорий этилиши кўзда тутилган.
Таъкидлаш жоиз, ўзбек-қозоқ чегарасидаги «Навоий» — «Қоплонбек» автойўл ўтказиш пункти 2022 йилнинг ноябрида ёпилганди.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Сардобанинг сири нимада?
- Тошкентда «Иқтисодиёт ва бизнес бошқаруви соҳаларида илғор тадқиқотлар» мавзусидаги халқаро илмий симпозиум ўтказилди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг