Фото: https://t.me/uzbekkinopress

Қайта тикланган ва Кинематография агентлиги томонидан бўлиб ўтаётган “Ипак йўли дурдонаси” Тошкент халқаро кинофестивалининг ҳисобот конференцияси бўлиб ўтди. Унда халқаро делегациялар вакиллари, мутахассислар, киноижодкорлар ва ёшлар иштирок этишди. 

Кинематография агентлиги Ахборот хизмати хабарига кўра, кинофестивалда миллий фильмларнинг намойиши 10 та вилоятда бўлиб ўтди, кинокартиналар 20 та кинотеатрда намойиш этилди. «Бардош», «Бир кунлик тўй», «Тутқунлик», «Самарқандда қовун таровати» бадиий фильмларининг катта премьералари ўтказилди. 

Дунёнинг таниқли киноижодкорлари Тимур Бекмамбетов, Равшана Куркова, Юсуф Розиқов, Мелиса Памук, Анна Гудкова, Жанна Бекмамбетова, Владислава Калинина, Мария Затуловская томонидан маҳорат дарслари ўтказилди.

Кинофестивалга Люк Бессон, Стивен Сигал, Франко Неро, Никита Михалков, Митҳун Чакраборти, Жерар Депардье, Вольтер Афанасев, Роб Минкофф, Тимур Бекмамбетов, Павел Прилучный, Равшана Куркова, Алексей Чадов, Игор Жижикин, Фархад Махмудов, Евгений Кулик, Оливер Гай-Уоткинс ва бошқа таниқли меҳмонлар ташриф буюришди. 

28 сентябрдан буён ўтказилаётган кинофестивалнинг барча янгиликлари, ҳисоботлари, махсус дастур бўйича бўлиб ўтган барча тадбирлар бўйича маълумотлар берилди.