Тижорат мақсадида 400 миллион сўмлик «свет» ва газ ўғирлаган «уддабуронлар» қўлга тушди
Бош прокуратура ҳузуридаги Департаментнинг Янги Наманган тумани бўлими ходимлари томонидан тезкор тадбир ўтказилди, деб хабар бермоқда Иқтисодий жиноятларга қарши курашиш департаменти.
Унда айтилишича, ўтказилган терговга қадар текширув давомида ЯТТ «Ғ.С.» «Ишонч» МФЙ ҳудудидаги новвойхонасида умумий фойдаланишдаги табиий газ тармоғига ўзбошимчалик билан тўғридан-тўғри уланиб, 299,6 миллион сўмлик табиий газдан ноқонуний фойдалангани фош қилинган.
Шу каби яна бир ҳолат, департаментнинг Оҳангарон тумани бўлими ходимлари томонидан ўтказилган терговга қадар текширувда ҳам аниқланган.
Унга кўра, «М.О.» фермер хўжалиги раҳбари М.Б. тижорат мақсадида сув насосини электр тармоғига ўзбошимчалик билан тўғридан-тўғри улаб, 109,8 миллион сўмлик электр энергиясидан ноқонуний фойдалангани аниқланган.
Ҳозирда мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари бошлаб юборилган.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг