«Тез орада ҳаммаси қуруқликдан бошланади»: Трамп Венесуэлага таҳдид қилди
АҚШ президенти Дональд Трамп Венесуэлага қуруқлик орқали ҳарбий операция бошлаш билан таҳдид қилди. Бу ҳақида BILD нашри хабар берди.
Унда айтилишича, Қўшма Штатлар раҳбарининг «Тез орада ҳаммаси қуруқликдан бошланади» деган сўзлари ОАВ муҳокамалар марказида бўлиб турибди.
Трамп қуруқликда операция бошлаш ҳақидаги гапида мамлакат номини тўғридан-тўғри айтмаган. Бироқ, унинг сўзлари Венесуэла қирғоқлари яқинида нефть танкерининг мусодара қилиниши борасидаги муҳокамалар чоғида янграган.
Экспертлар бу жумла Венесуэлага қарата айтилганини таъкидлашмоқда. Дональд Трампнинг ўзи бундай қуруқликдаги операция қайси давлатга нисбатан, қандай амалга оширилиши тўғрисида маълумот бермаган.
Маълумот учун, АҚШ бир неча ҳафта давомида Кариб денгизида гиёҳванд моддалар савдоси билан шуғулланаётганликда гумон қилинган қайиқларни нишонга олиб келмоқда. Жумладан, шу йилнинг 10 декабрь куни Қўшма Штатлар ҳарбийлари Венесуэла қирғоқлари яқинидаги нефть танкерининг назоратини қўлга олган эди.
Тавсия этамиз
Кўп ўқилганлар
- Саккизта гол урилган ўйинда “Барселона” ғалаба қозонди
- “Башакшеҳир” Туркиянинг гранд клуби билан дуранг ўйнади
- Ўзбекистон миллий терма жамоаси учун Жаҳон чемпионати қуръаси омадли ўтдими?
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- Германияда ўқувчилар ҳарбий чақирувга қарши намойишга чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг