Танзанияда икки автобус тўқнашуви оқибатида 38 киши қурбон бўлди
Танзанияда бир-бирига қарама-қарши йўналишда ҳаракатланаётган икки автобус тўқнашиши оқибатида камида 38 киши ҳалок бўлди, яна 28 киши жароҳат олган. Бу ҳақда «Xinhua» агентлиги Килиманжаро вилояти комиссари Нурдин Бабуга таяниб хабар берди.
Унинг сўзларига кўра, ЙТҲ 28 июнь куни кечқурун Килиманжаро вилоятига қарашли Моши шаҳри яқинида содир бўлган. Ҳодисада автобуслардан бирининг шинаси ёрилиб кетган ва ҳайдовчи бошқарувни йўқотиб, қарама-қарши йўналишда ҳаракатланиб келаётган бошқа бир автобус билан тўқнашган. Тўқнашувдан сўнг иккала транспорт воситаси ҳам ёниб кетган.
Килиманжаро вилояти комиссари «Xinhua» агентлигига телефон орқали берган интервьюсида айтишича, ҳалок бўлганлар орасида бир оиланинг аъзолари ҳам бор — улар Моши шаҳридаги тўй маросимига йўл олган бўлган.
Унинг қўшимча қилишича, жароҳатланган 28 кишининг 22 нафарига шифохонада биринчи ёрдам кўрсатилганидан сўнг уйига жавоб берилган, 6 киши ҳанузгача шифокорлар назорати остида қолмоқда.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Ўзбекистон тасвирий санъат галереясида Самарқанд мактабининг янги нафаси
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Ҳар бир ҳудудда “Касаба уюшмалари боғлари” ташкил этилади
- Тошкентда дипломатик ваколатхоналар ва халқаро ташкилотлар ўртасида ХІХ халқаро мини-футбол турнири ташкил этилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг