Сардор Муллажонов - "Халқ сўзи"

Пойтахтимизда “Таълим ва касб-сўнгги қўнғироқ!” ХIХ Халқаро таълим кўргазмаси ташкил этилди.

Ўзбекистон Республикаси Ёшлар ишлари агентлиги ва “ MyFAIR”. Кўргазма “ MyEXPO”, “ROSOBRAZOVANIE” NTM ва “EVA CONSULTING” компанияларининг техник кўмаги билан ўтказилган ушбу кўргазма барча ташриф буюрувчилар учун катта имкониятлар эшикларини очмоқда.

Пандемия вақтида ва ундан кейин кўплаб ўзбекистонлик абитуриентлар мавжуд бўлган олий ўқув юртлари тўғрисида маълумот олиш учун Интернет-кўргазмалар, зум-конференциялар ва бошқа онлайн - воситалардан фойдаланишди. www.myfair.events веб-сайтида ўтказилган онлайн кўргазмалар кўплаб абитуриентларга 2020-йилда ўз орзуларидаги таълим муассасаларини топиш ва бир йил йўқотмаслик имкониятини яратди.

Кўргазма ёрдамида талабалар ўзларига керакли университетни топиш ва шу йилнинг ўзида ўқишни бошлаш учун кўпроқ имкониятларга эга бўладилар. Экспозитсияга ташриф буюрувчилар дунёнинг турли мамлакатларидаги халқаро олий ўқув юртлари билан танишишлари мумкин. Тадбир гибрид шаклда ўтказилади, агар абитуриентлар керакли саволларни беришга улгурмаса, стенддаги ҚР коддан фойдаланган ҳолда университет тўғрисида маълумот олишлари, шунингдек, университет қабул комиссиясига тўғридан-тўғри мурожаат қилишлари мумкин.

Абитуриентлар Россия Федерацияси, Белорусия, Қозоғистон ва Ўзбекистон университетларининг расмий вакиллари билан (MGIMO, MosPolytech, BSUIR, KIMEP, KFU ва бошқа кўплаб ташкилотлар) бевосита мулоқот қилиш имкониятига эга бўладилар.

Ҳар бир абитуриент ўзи учун қизиқ бўлган йўналишдаги университетни танлаши, шунингдек тўғридан-тўғри университетлар вакилларидан маслаҳат олиши мумкин бўлади.

Кўргазмада абитуриентлар бир қатори имкониятларга эга бўлмоқда. Жумладан,

- университет ҳақида батафсил маълумот олиш – қабул жараёни, факултетлар, мутахассисликлар, ҳужжатларни топшириш муддатлари;

- тўғридан-тўғри кўргазмада иштирок этаётган олий ўқув юртлари вакилларидан (проректорлар, деканлар, танлов комиссияси аъзолари) маслаҳат олиш;

- мутахассислардан ўқиш ва виза олиш масалалари бўйича маслаҳат олиш, шунингдек, шу жойнинг ўзида ариза топшириш ва танланган университетга кириш жараёнини бошлаш;

- турли мамлакатларнинг таълим тизими, унинг маданияти, турмуш тарзи ва бошқалар ҳақида батафсилроқ маълумот олиш, айнан сизга мос келувчи дастурни танлаш;

- соҳа мутахассисларининг фикрлари билан танишиш;

- замонавий таълим қандай кенг имкониятлар яратаётгани ҳақида ўзингизнинг таассуротингизни яратиш шулар жумласидан.

Шу билан бирга, энг қобилиятли ва иқтидорли талабалар танланган университетда бепул ўқиш имкониятлари, стипендиялар ёки таълим грантлари тўғрисида маълумот олишлари мумкин.

Кўргазма давомида “EVA-Consulting” компанияси ва “РОСОБРАЗОВАНИЕ” НТМнинг малакали мутахассислари батафсил маълумотларни тақдим этишади ва ташриф буюрувчиларни қизиқтирган ҳар қандай саволларга жавоб берилди. “Таълим ва касб - сўнгги қўнғироқ” Халқаро таълим кўргазмаси - бу орзу қилган университетларнинг дастурлари билан танишиш, қабул комиссияси вакиллари билан суҳбатлашиш ва кўплаб фойдали тавсиялар олиш учун ажойиб имкониятдир. Нуфузли халқаро университетларда таҳсил олган талабалар тажриба, билим ва сармоя шаклида мамлакатимиз тараққиётига муносиб ҳисса қўша олади,  десак,  хато бўлмайди.

Ушбу халқаро кўргазма Самарқанд, Бухоро ва Урганч шаҳарларида ҳам ўтказилади.

"Халқ сўзи"

Сардор Муллажонов олган суратлар.