Талабалар энди замонавий бинода тил ўрганишади
Жаҳонгир БОЙМУРОДОВ/«Халқ сўзи». Қарши давлат университетининг хорижий тиллар факультети учун қуриб битказилган янги ўқув биноси фойдаланишга топширилди.
Замонавий архитектура ечимлари асосида барпо этилган, 5 қаватдан иборат ушбу бинода бир вақтнинг ўзида минг нафар талаба таҳсил олиши, профессор-ўқитувчилар фаолият юритиши учун барча қулайлик яратилган.
— Бу масканда турли хорижий тилларга ихтисослашган марказлар, Koica, «Erasmus+» дастурлари офиси, медиа студия, синхрон таржима аудиторияси, тиббий муолажа хонаси, лингафон хоналари, кутубхона, энг сўнгги ахборот-коммуникация технологиялари билан жиҳозланган компьютер хоналари мавжуд, — дейди университет ректори Дилмурод Набиев. — Ўқув, лаборатория хоналари, маъруза заллари интерактив доскалар, замонавий ўқув жиҳозлари билан таъминланган.
Янги бинонинг фойдаланишга топширилиши муносабати билан ташкил этилган тантанали тадбирда вилоят ҳокимлиги масъуллари, профессор-ўқитувчилар, талаба ёшлар ҳамда кенг жамоатчилик вакиллари иштирок этди.
Тавсия этамиз
Кўп ўқилганлар
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Хонанда Раҳматилло Юсупов 44 ёшда вафот этди
- Сизни ажаблантирадиган анъаналар. Дунё бўйлаб янги йил қандай нишонланади?
- Ўзбекистон Президенти ва халқига Янги йил байрами муносабати билан самимий қутловлар келмоқда
- Хорижий валюталарнинг ўзбек сўмига нисбатан Янги йилдан кейин амалда бўладиган қиймати эълон қилинди
- Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг