Сурхондарёдаги «заправка»да ҳам портлаш содир бўлди
Видеодан кадр
Сурхондарё вилоятининг Шўрчи туманида жойлашган автомобилларга газ қуйиш шохобчасида портлаш юз берди. Бу ҳақда Фавқулодда вазиятлар вазирлиги хабар берди.
Маълум қилинишича, бугун, 13 август куни соат 12:58 да туманнинг «Оққўрғон» МФЙ Жарқишлоқ ҳудудида жойлашган автомобилларга суюлтирилган газ қуйиш шохобчаси ҳудудида ёқилғи ташувчи автосистернадан ёқилғи сақлаш резервуарга ёқилғи тўкиш вақтида технологик жараён бузилган ва оқибатда чақнаш рўй бериб, ёнғин келиб чиққан.
Ҳодиса юзасидан ФВБга келиб тушган хабарга кўра, 8 та ёнғин-қутқарув экипажлари соат 13:07 да ҳодиса жойига етиб борган. Орадан бир дақиқа вақт ўтиб, ёнғин қуршаб олинган ва соат 13:16 да ўчирилган.
Билдирилишича, воқеа жойига вилоят ва туман ФВБ раҳбарлари етиб борган, ҳозирда чақнаш сабаби ва етказилган зарар миқдори аниқланмоқда.
Фавқулодда вазиятлар вазирлиги хабарида ёнғин оқибатида жабрланган ва вафот этганлар ҳақида ҳозирча маълумот берилмаган.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг