Ўзбекистон Республикаси Мактабгача ва мактаб таълими вазирлиги ҳузуридаги Мактабгача таълим агентлиги томонидан Бирлашган Миллатлар Ташкилотининг Халқаро болалар жамғармаси (ЮНИСЕФ) ҳамкорлигида Европа иттифоқининг молиявий кўмаги асосида “Сурхондарё вилоятида инклюзив таълим, ижтимоий хизматлар ва ҳуқуқий ёрдамдан фойдаланиш имкониятларини кенгайтириш” лойиҳасини амалга ошириш юзасидан 10-14 сентябрь кунлари Термиз шаҳрида “Кўп тилли муқобил гуруҳларда педагогик ёндашувлар” мавзусидаги ўқув-амалий тренингга старт берилди. 

Ушбу тренинглар ЮНИСЕФ ҳамда Европа иттифоқи ҳамкорлигида вилоятдаги афғон болалари ва эҳтиёжманд оилалар фарзандларига мактабгача таълим учун кенг имкониятлар яратиш мақсадида инклюзив кўп тилли таълимга йўналтирилган муқобил гуруҳларда таълим-тарбия жараёнини ташкил этишда мактабгача таълим ташкилотлари педагогларининг касбий салоҳиятини оширишга қаратилган бўлиб, Европа Иттифоқининг молиявий кўмагида амалга оширилмоқда.

5 кун давом этадиган тренинг жараёнларида вилоятдаги инклюзив кўп тилли таълимга йўналтирилган муқобил гуруҳлар мавжуд бўлган мактабгача таълим ташкилотларининг педагоглари иштирок этиб, малакали хорижлик тренердан янги билимларни ўрганиш баробарида қизғин ва ноодатий тарзда кечган машғулотлар орқали ўзаро тажриба алмашишмоқда.