Сурхондарёда 15 ёшли қизга уйланган эркак ҳамда никоҳ ўқиган шахсга жиноят иши қўзғатилди
Сурхондарё вилояти Денов туманида вояга етмаган қизга уйланган эркакка ва уларга никоҳ ўқиган шахсга нисбатан жиноят иши қўзғатилди. Бу ҳақда Болалар омбудсмани Сурайё Раҳмонова маълум қилди.
Маълумотга кўра, 2025 йил 8 июль куни Денов туманида яшовчи 67 ёшли аёл 15 ёшли набирасини 28 ёшли йигитга турмушга берган. Қиз вояга етмагани сабабли, никоҳ қонун талабларига мувофиқ қайд этилмаган. Шу билан бирга, 75 ёшли эркак моддий манфаат эвазига уларга шаръий никоҳ маросимини ўтказган.
Ҳолат юзасидан никоҳ ўқиган шахсга нисбатан Жиноят кодексининг никоҳ ёши тўғрисидаги қонунчиликни ёки никоҳ тузиш тартибини бузиш моддаси бўйича, куёвга эса 16 ёшга тўлмаган шахс билан жинсий алоқа қилишни назарда тутувчи модда билан жиноят иши қўзғатилди. Ҳозирда мазкур иш бўйича дастлабки тергов ҳаракатлари олиб борилмоқда.
Аввалроқ, қиз Денов туманидаги касб-ҳунар мактабида таҳсил олаётгани ва унинг ҳуқуқлари ҳамда таълим жараёни мутасаддилар томонидан доимий назоратга олингани маълум қилинган эди.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг