Солиқ қўмитаси раиси сотувчидан QR кодли чек талаб қилган бола билан учрашди
Фото: Солиқ қўмитаси
Аввалроқ Сирдарё вилояти Гулистон шаҳридаги дўконларнинг бирида сотувчи QR кодли чек сўраган боланинг юзига тарсаки туширгани ҳақида хабар берилган эди. Солиқ қўмитаси ахборот хизматининг маълум қилишича, қўмита раиси Шерзод Кудбиев жабрланувчи бола билан учрашиб, унга миннатдорчилик билдирган.
Қайд этилишича, қўмита раҳбари 12 ёшли Шаҳбозни талабчанлигини алоҳида таъкидлаган ва унинг ҳаракатини «олдингизда бутун солиқ марказий аппарати тикка турса арзийди» дея баҳолаган.
Шерзод Кудбиев боланинг ота-онасига миннатдорчилик билдириб, у дўконда чек сўраганида ҳаммасини тўғри қилганини айтган.
«Чек талаб қилиш майда-чуйда нарса эмас. Чек сўраганингни орқасида Сирдарёда боғча, мактаб, йўл, ойлик, бюджет бор. Бунинг ортида катта нарсалар турибди. Шаҳбоз, сенга катта раҳмат», деган у.
Тавсия этамиз
Кўп ўқилганлар
- Абдуқодир Ҳусанов яна бир бор «Реал Мадрид»га қарши ўйнайди
- Болалар саратонига қарши кураш: халқаро ҳамкорликдаги муҳим қадам
- Ўзбекистоннинг 7 та моддий ва номоддий маданий мерос объектлари AYSESKO рўйхатига киритилди
- Суперлиганинг 2026 йилги мавсуми бошланмоқда
- Ҳар бурчагида тарих яширинган шаҳар — Лондондан фоторепортаж
- Дзюдо бўйича Тошкент “Катта дубулға” мусобақаси бошланди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг