Швейцария Путинни Зеленский билан музокараларга келса, ҳибсга олмасликка ваъда берди
Швейцария ташқи ишлар вазири Иньяцио Кассиснинг айтишича, мамлакат Россия президенти Владимир Путинга Украина бўйича тинчлик музокараларига келса, халқаро жиноят суди ордерига қарамасдан иммунитет тақдим этади.
«Маълум шароитларда Путинга Швейцарияга ташриф буюришга рухсат берилиши мумкин», — деди вазир.
Кассисга кўра, ҳукумат ўтган йили халқаро ордер остидаги шахсларга иммунитет бериш тартибини белгилаб қўйган. Бу иммунитет шахс шахсий иш билан эмас, балки тинчлик анжумани учун келган тақдирда қўлланилади.
Эслатиб ўтамиз, 2023 йил март ойида Халқаро жиноят суди Владимир Путин ва Россиянинг болалар ҳуқуқлари бўйича вакили Мария Львова-Беловаларга нисбатан ҳибс ордери чиқарганди. Уларни Украинадан оккупация қилинган ҳудудлардан болаларни ноқонуний равишда Россияга депортация қилишда айблашмоқда.
Швейцария Халқаро жиноят судининг тўлақонли аъзоси ҳисобланади.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг