Шаҳрам Ғиёсов Тошкентда жанг ўтказади
Ўзбекистонлик профессионал боксчи Шаҳрам Ғиёсовнинг навбатдаги жанг санаси маълум бўлди. У Тошкент шаҳрида рингга кўтарилади. Бу ҳақда спортчининг ўзи Instagramʼдаги саҳифасида эълон қилди.
Унга кўра, жорий йилнинг 14 ноябрь куни пойтахтдаги «Ҳумо Арена» спорт мажмуасида профессионал бокс оқшоми ташкил этилади. Унда Ғиёсовдан ташқари Лазизбек Муллажонов, Аълохон Абдуллаев каби ўзбекистонлик тажрибали боксчилар ҳам жанг қилиши кутилмоқда.
«Худо хоҳласа, 14 ноябрь куни ҳаммани «Ҳумо Арена»да кутамиз. Асосий кардда ўзим бўламан. Яқин орада рақиб ҳам эълон қилинади. Тўсатдан чиқди, ўйланмай рози бўлдим», деган боксчи.
Маълумот учун, Шаҳрам Ғиёсов ҳозирга қадар проф рингда 17 та жанг ўтказиб, уларнинг барчасида ғалаба қозонган. У ўзининг 10 та жангини рақибларини нокаут ёки техник нокаут қилиш орқали муддатидан олдин якунлаган.
Ғиёсов сўнгги жангини аргентиналик Франко Окампога қарши ўтказиб, 4-раундда рақибини нокаутга учратганди. Бу ғалаба ҳамюртимизнинг нуфузли World Boxing Association (WBA) рўйхатидаги ўрнини мустаҳкамлади.
Тавсия этамиз
Кўп ўқилганлар
- Ўзбекистон Республикасининг хориждаги дипломатларидан иборат делегация аъзолари Ислом цивилизацияси марказига ташриф буюрди (+фоторепортаж)
- Дунё бўйлаб қон ва кўзёш билан ўтган бир ҳафта — 20 та суратда
- “Аналог турмуш тарзи”. Инсонларда сунъий интеллектга қарши кайфият кучаймоқда
- Алишер Навоий номидаги Тошкент давлат ўзбек тили ва адабиёти университетида «Ялдо кечаси» романининг тақдимоти ўтказилди
- «Бутун эл-юртимизни бирлаштирадиган улуғ бир ғоя бор. У ҳам бўлса, Ватан манфаати, халқимиз манфаатидир»
- «Нигилист пингвин». Руҳан эзилган ва ҳаётдан маъно излаётганлар учун ноодатий мем оммалашмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг