Фото: Reuters

АҚШ президенти Дональд Трамп, эҳтимол, Владимир Зеленскийга ультиматум қўяди, бу эса Украина президентини Вашингтон томонидан қўллаб-қувватланмаслик ёки Москва билан тинчлик шартномасини имзолаш ўртасида танлов қилишга мажбур қилади. Бу Киев учун унчалик фойдали бўлмайди. Ушбу фикрларни Буюк Британиянинг “The Telegraph” газетаси ёзмоқда. Шу билан бирга, Европа давлатлари АҚШ мамлакатга молиявий ва мудофаа ёрдамини бутунлай тўхтатган тақдирда ҳам Украина Қуролли кучларига ёрдам беришда давом этиши мумкин.

“Бир ҳафта ичида у савдо урушини бошлаб юборди, Уолл-стритни пастга туширди ва глобал таназзул эҳтимолини яқинлаштирди. Шундай экан, Дональд Трамп Украинадаги уч йиллик ҳарбий можарога барҳам бергани учун ҳамон эслаб қолишга умид қилишини унутиш осон”, деб таъкидлайди мақола муаллифи Даниэль Жонсон.

Нашрнинг ёзишича, Трамп Украина билан тез тинчлик келишувига умид қилмоқда ва бу мамлакатни ўзининг “шўъба корхонаси” сифатида кўрмоқда.

Жонсоннинг фикрича, Украина ультиматумга дуч келади: ё Трамп воситачилигида Россия президенти Владимир Путин томонидан “ташкиллаштирил” тинчлик битимини имзолайди ёки АҚШ разведкаси ва логистик ёрдамини абадий йўқотади.

Муаллиф Украина АҚШ қўллаб-қувватлаши эҳтимолий чекинишидан кейин омон қола оладими ва Европа давлатлари энди янги тарифларнинг иқтисодий оқибатларини енгишлари кераклигини ҳисобга олсак, Украина Қуролли кучларига ёрдам беришда давом эта оладими, деган саволни ўртага ташлаган.

“Инфляция, ялпи ички маҳсулотнинг пасайиши ва турмуш даражасининг пасайиши, Путин кутганидек, Киевни тинчлик сўрашга мажбур қилади”, деб ҳисоблайди Жонсон.

Зеленский имзолашга мажбур бўлаётган келишув ҳозирги фронт чизиғи бўйлаб можаронинг тўхтатилиши, Россия томонидан қўлга киритилган ҳудудлар устидан назоратни амалда тан олиши ва Ғарб санкцияларининг юмшатилиши ёки бекор қилинишини ўз ичига олиши мумкин.

Дипломатик бурилиш

“The Telegraph” шунингдек, Россия тўғридан-тўғри инвестициялар жамғармаси раҳбари Кирилл Дмитриев Вашингтонга Трамп ва Зеленский ўртасидаги келишмовчиликдан кўп ўтмай ташриф буюрганини, шундан сўнг Украина раҳбари Оқ уйдан “қувиб чиқарилган”ини эслатиб ўтади. Нашр воқеани “дипломатик бурилиш” деб таърифлайди.

“Дмитриевнинг Вашингтонга уча олишининг ўзи Москва учун дипломатик бурилишдир. Жо Байден даврида россиялик юқори мартабали амалдорлар ва тадбиркорлар, айниқса, агар улар Путиннинг яқин иттифоқчилари бўлса, санкцияларга дучор бўлган”, — дея таъкидлайди мақола муаллифи.

Энди Россия президентига яқин бўлганлар “имтиёзли кириш ҳуқуқига эга бўлишди, эҳтимол ҳатто Овал кабинетга” ҳам.

Путиннинг одамлари Зеленский чиқариб юборилган “табаррук” жойларга киритилди. Ҳозирги вазиятга келсак, энди савол Россияда Трампнинг ўзи айтганидек, “барча карталар” борми ёки украиналиклар биринчи пайдо бўлганидан кўра чидамлироқми?”, дея хулоса қилади Жонсон.

Европа ёрдами Шу билан бирга, журналистнинг фикрича, Европа Иттифоқи давлатлари Украинага “ҳатто ўз қуролли кучларини Совуқ уруш даражасига яқин даражага қайтариш амбицияларини кечиктириш эвазига” ёрдам беришда давом этади.

“Парадокс шундаки, Европанинг энг қашшоқ мамлакати ҳозирда қитъадаги энг катта, тажрибали ва энг яхши жиҳозланган армияга эга. “Кўпчилик ҳолларда Украина армияси ёки унинг иқтисодиёти қулашининг олдини олиш Европа манфаатларига мос келади”, дейилади мақолада.

Нашрга кўра, Трамп, гўёки, бу хатти-ҳаракатлари билан тинчлик бўйича Нобель мукофотини олишни жуда хоҳламоқда.