Самарқанддаги «Номсизтепа» археологик ёдгорлигига зарар етказиш ҳолати аниқланди

19:47 02 Сентябр 2022 Маданият
682 0

Фото: Маданий мерос агентлиги

Самарқанд вилояти Маданий мерос бошқармаси томонидан ўрганиш ишлари давомида Жомбой туманида жойлашган «Номсизтепа» археологик ёдгорлигига зарар етказиш ҳолати аниқланди.

Ушбу ёдгорлик – Вазирлар Маҳкамасининг «Моддий маданий мероснинг кўчмас мулк объектлари миллий рўйхатини тасдиқлаш тўғрисида»ги қарори билан давлат ҳимоясига олинган. Ўрганиш натижасида археологик ёдгорликнинг ғарбий томонидан узунлиги 120 метр энига 1,5 метр ва баландлиги 1 метр умумий ҳажми 180 метр куб тупроқ текисланиб олинганлиги аниқланди. Ҳудудий бошқарма томонидан тупроқ қазиб олиш жараёни тўхтатилди ва жавобгарларга нисбатан огоҳлантириш берилди. Археология объектига етказилган зарар миқдори 4.3 млрд. сўм этиб белгиланди ва ҳолатга ҳуқуқий баҳо бериш учун ҳужжатлар расмийлаштирилиб, ҳуқуқни муҳофаза қилиш органларига тақдим этилди.

Кўрилган чора юзасидан қўшимча маълумот берилади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер