Бугунги кунда Ўзбекистон Республикасида давлат ўрмон фондига кирмайдиган дарахт ва буталарнинг қимматбаҳо навларини кесишга нисбатан мораторий жорий этилган бўлиб, дарахтларни тегишли рухсатномаларсиз кесиш қатъиян тақиқланган. Шунга қарамасдан, айрим ҳудудларда бундай қоидабузарлик ҳолатлари ҳануз учраб турибди.

Самарқанд вилояти Экология бош бошқармаси маълумотларига кўра, Пастдарғом тумани «Парчақора» маҳалла фуқаролар йиғини ҳудудида жойлашган фермер хўжалиги даласининг четки қисмида бир неча йил олдин экилган 10 туп тол дарахти «Манғитобод» МФЙда яшовчи фуқаро И.Н. томонидан ҳеч қандай тегишли рухсатларсиз ноқонуний тарзда кесиб ташлангани аниқланди. Натижада дарахтларга ўсишдан тўхтамас даражада жиддий шикаст етказилган.

Мазкур ҳолат юзасидан ҳуқуқбузарга нисбатан Маъмурий жавобгарлик тўғрисидаги кодекснинг 79-моддаси 1-қисмига асосан баённома расмийлаштирилиб, 10 миллион 300 минг сўм миқдорида маъмурий жарима қўлланилди. Шунингдек, табиатга етказилган зарар учун 12 миллион 360 минг сўм ҳисобланди.

Абдулазиз ЙЎЛДОШЕВ, «Халқ сўзи».