Фото: РИА Новости

2024 йилнинг 12 июль куни Москва вилоятининг Апраксино қишлоғи яқинида паром қатновини амалга ошираётган «Sukhoi Superjet 100» русумли самолёт ҳалокатга учради. Ҳаво кемаси бортида икки учувчи ва бир штурман бўлган. Россия Фавқулодда вазиятлар вазирлиги маълумотларига кўра, самолёт экипажи ҳалок бўлган.

Москва вилоятлараро транспорт прокуратураси авиaмашина «Газпром Авиа» компаниясига тегишли эканлигиниф маълум қилди. Агентликнинг қўшимча қилишича, самолёт таъмирдан кейин заводдан ҳавога кўтарилган ва «Внуково» аэропортига йўл олган.

Бу 2011 йилдан бери Россияда фуқаролик авиацияси билан боғлиқ 17-авиаҳалокат ҳисобланади.

2023 йилнинг 23 август куни Твер вилоятидаги Куженкино қишлоғи яқинида «Embraer Legacy» бизнес-жети ҳалокатга учради. Самолёт бортида ўн киши, жумладан, уч экипаж аъзоси бўлган. Уларнинг ҳаммаси вафот этди. Ҳалокатга учраган самолёт бизнес транспортига ихтисослашган «МНТ-Аэро» МЧЖга тегишли бўлган. Федерал ҳаво транспорти агентлиги эълон қилган йўловчилар рўйхатига кўра, бортда «Вагнер гуруҳи» раҳбари Евгений Пригожин ҳам бор эди.

2021 йилнинг 10 октябрь куни Татаристонда маҳаллий Армия, авиация ва денгиз флотига ёрдам кўрсатиш ихтиёрий жамияти учиш клубининг «L-410» самолёти Мензелинскда ҳалокатга учради. Фожиа юз берган вақтда унинг бортида 20 нафар десантчи ва икки нафар экипаж аъзоси бўлган. Аиаҳалокатда 16 киши ҳалок бўлди, олти киши яраланди..

2021 йилнинг 6 июль куни Камчатка авиация корхонасига тегишли «Ан-26» самолёти Петропавловск — Камчатский — Палана йўналиши бўйича парвоз қилаётганда ҳалокатга учради. Фожиада ҳаво кемаси бортида бўлган 28 киши ҳаётдан кўз юмди.

2019 йилнинг 5 май куни Шереметево аэропортидан ҳавога кўтарилаётган ва Москвадан Мурманскга учаётган «Sukhoi Superjet 100» лайнери бортида кучли ёнғин содир бўлди. 28 дақиқалик парвоздан сўнг экипаж зудлик билан пойтахт аэропортига қайтишга қарор қилди. Самолёт иккинчи уринишдагина қўнишга муваффақ бўлди. Қаттиқ қўниш вақтида унинг қўниш мосламаси синиб кетди ва двигателлар ёниб кетди, сўнгра олов бутун дум қисмига тарқалди ва 41 киши ҳалок бўлди. 33 йўловчи ва тўрт экипаж аъзоси фожиадан омон қолишга муваффақ бўлди.

2018 йилнинг 11 февраль куни Москванинг Домодедово аэропортидан Орскга учаётган «Ан-148» самолёти ҳавога кўтарилганидан икки дақиқа ўтиб радарлардан ғойиб бўлди. Ҳаво кемаси бортида 65 нафар йўловчи, жумладан, уч нафар бола ва олти нафар экипаж аъзоси бўлган. Самолёт қолдиқлари Москва вилоятининг Раменский туманида топилди. Афсуски, ҳаво кемасидаги барча инсон ҳалок бўлган эди.

2017 йилнинг 15 ноябрь куни Хабаровск ўлкасида маҳаллий вақт билан соат 13.30да Аяно-Майский тумани Нелкан қишлоғидаги аэропортдан икки километр узоқликда Хабаровск — Николаевск-на-Амур — Нелкан йўналиши бўйича кетаётган «L-410» самолёти радардан ғойиб бўлади. Самолёт бортида етти киши, жумладан икки экипаж аъзоси бўлган. Олти киши ҳалок бўлди. Фожиадан 3,5 ёшли қизча омон қолади.

2016 йилнинг 25 декабрь куни эрталаб Сурияга йўл олган Россия Мудофаа вазирлигининг «Ту-154» самолёти Сочи аэропортидан ҳавога кўтарилганидан бир неча дақиқа ўтиб ҳалокатга учради. Самолёт бортида 92 киши — саккиз нафар экипаж аъзоси ва 84 нафар йўловчи, жумладан саккиз нафар ҳарбий хизматчи, Александров номидаги ансамблнинг 64 нафар артисти, Россия телеканалларининг тўққиз нафар вакили, «Адолатли ёрдам» хайрия жамғармаси раҳбари, Доктор Лиза номи билан танилган Елизавета Глинка, икки нафар федерал давлат хизматчиси, Биринчи канал, НТВ ва «Звезда» телеканали журналистлари ҳалок бўлган.

2016 йилнинг 1 июлида Иркутск вилоятида йирик ўрмон ёнғинларини ўчириш билан банд бўлган «Ил-76» самолёти алоқага чиқмади. Қуруқликдаги қутқарув гуруҳи Рибний Уян қишлоғидан жанубда, тепаликлардан бирининг ёнбағрида қулаган «Ил-76» самолётини топди. Экипажнинг барча — ўн аъзоси ҳалок бўлди.

2016 йилнинг 19 март куни Ростов-Донда Дубайдан учаётган «Boeing 737-800» йўловчи самолёти ҳалокатга учради. Ҳаво кемаси ёмон кўриш шароитида қўнаётганда учиш-қўниш йўлагининг чап томонига қулаган. Самолёт бортида 55 йўловчи ва етти нафар экипаж аъзоси бўлган, уларнинг барчаси ҳалок бўлган.

2014 йил 21 октябрга ўтар кечаси «Внуково» аэропортида «Unijet» авиакомпаниясининг «Falcon 50EX» енгил моторли самолёти қор тозалаш машинаси билан тўқнашиб, парвоз пайтида қулаб тушди. Ҳалокатда тўрт киши ҳалок бўлди. Улардан бири Франциянинг «Total» энергетика концерни президенти Кристоф де Маржери эди. Қолганлар эса ҳаво кемасининг экипаж аъзолари бўлган.

2013 йилнинг 17 ноябрь куни Татаристон ҳаво йўллари компаниясининг Москвадан учиб келаётган «Boeing 737» йўловчи самолёти Қозон аэропортига қўнаётганда ҳалокатга учради. Самолёт ҳалокати олти экипаж аъзоси ва 44 йўловчининг ҳаётига зомин бўлди.

2012 йил 11 сентабрда Камчатка авиация корхонаси Федерал давлат унитар корхонасига тегишли оддий «Ан-28» самолёти Палана қишлоғи яқинида ғойиб бўлди. Петропавловск-Камчатскийдан Паланага учаётган самолёт бортида 13 киши бўлган. Самолёт Паланадан 10 километр узоқликдаги чакалакзорда топилди. Ҳалокатда 10 киши ҳалок бўлди.

2012 йилнинг 2 апрелида Тюмендан Сургутга парвоз қилаётган «UTair» авиакомпаниясининг «АТР-72» самолёти Тюмен аэропортидан учиш вақтида ҳалокатга учради. Самолёт бортида 43 киши — 39 йўловчи ва тўрт нафар экипаж аъзоси бор эди. Фожиада 33 киши ҳалок бўлган.

2017 йилнинг 15 ноябрь куни Хабаровск ўлкасида маҳаллий вақт билан соат 13.30да Аяно-Майский тумани Нелкан қишлоғидаги аэропортдан икки километр узоқликда Хабаровск — Николаевск-на-Амур — Нелкан йўналиши бўйича кетаётган «L-410» самолёти радардан ғойиб бўлади. Самолёт бортида етти киши, жумладан икки экипаж аъзоси бўлган. Олти киши ҳалок бўлди. Фожиадан 3,5 ёшли қизча омон қолади.

2011 йилнинг 7 сентябрь куни «Як Сервиc» авиакомпаниясининг «Як-42» самолёти Ярославл вилоятидаги Туношна аэропортидан парвоз қилиш вақтида ҳалокатга учради. Самолёт бортида Минск (Беларусь)даги ўйинга учаётган «Локомотив» (Ярославл) хоккей жамоаси бўлган. Самолётда жами 45 киши — 37 йўловчи ва саккиз нафар экипаж аъзоси бўлган. Ҳалокатдан икки киши омон қолди — хоккейчи Александр Галимов ва борт муҳандиси Александр Сизов, аммо 12 сентябрь куни Галимов Москвадаги Вишневский номидаги жарроҳлик институтида олган жароҳатларидан вафот этди.

2011 йил 21 июнь куни Москвадан Петрозаводскга (Карелия) учаётган «РусАир» авиакомпаниясининг «Ту-134» самолёти мураккаб об-ҳаво шароитида Петрозаводск аэропортидан бир километр узоқликдаги шоссега қаттиқ қўнди. Қўниш вақтида самолётнинг фюзеляжи қулаб тушган ва ёнғин содир бўлган. Бортдаги 52 йўловчи ва экипаж аъзосидан 44 нафари ҳалок бўлган. Саккиз нафар жабрланувчи оғир аҳволда касалхонага ётқизилган, улардан икки нафари, бир бола ва бир қиз кейинчалик шифохоналарда вафот этган.