Ремдесивир дори воситаси «Dori-Darmon» компанияси дорихоналарида 460 минг сўмдан сотилмоқда

12:04 16 Октябр 2020 Жамият
476 0

Бу ҳақда «Dori-Darmon» АК бошқарув раиси ўринбосари Абдуғани Комилов айтиб ўтди:

— Ремдесивир дори воситаси АҚШнинг «Gilead Sciences» компанияси томонидан яратилган ва ишлаб чиқарилади.

Ҳозирда «Gilead Sciences» компанияси Ремдесивир дори воситасини етказиш бўйича 127 та давлат билан лицензион битим тузди. Маълум бир давлатларга ушбу препаратни ишлаб чиқариш учун лицензия берди.

Лекин ушбу дорига нарх белгилашда компания аралашмайди.

Ўзбекистон Ремдесивирни Ҳиндистондан импорт қилди.

Ремдесивир «Dori-Darmon» АК дорихоналарида 460 минг сўмдан сотилмоқда. Препарат асосан коронавирус касаллигини даволашга ихтисослаштирилган марказларга етказиб берилмоқда.

Шунингдек, қонни суюлтирувчи Эноксапарин препарати ҳам Россиядан харид қилиниб, дорихоналаримизга етказилмоқда. Ушбу дори воситасининг нархи, дозасидан келиб чиқиб, 115 минг сўмдан 207 минг сўмгача белгиланган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?