Sky News

Бирлашган Қироллик монархи Чарлз III Англия футбол жамоасини «Евро-2024» финалига чиққани билан табриклади. Монарх Испанияга қарши бўлиб ўтадиган ўйин олдидан жамоага ўзининг энг яхши тилакларини йўллади. Бу ҳақда «France 24» хабар бермоқда.

Қирол ўз хабарида мухлисларга ортиқча стресс туғдирмасдан, жамоани ғалаба қозонишга ундашга чақирган. Унинг фикрича, сўнгги дақиқалардаги голлар ёки пенальтилар сериясидан олдин ғалаба қозониш учун футболчиларга ортиқча босим қилмаслик керак.

Англиянинг финалгача бўлган йўли кескинлик билан ажралиб туради. Жамоа Словакия ва Нидерландияга қарши сўнгги дақиқада ғалабага эришган бўлса, Швейцария устидан пенальтилар сериясида муваффақият қозонди.

Англия футбол ассоциацияси президенти бўлиб ишлаётган шаҳзода Уилям ҳам жамоани қўллаб-қувватлашини билдирди. У Нидерландияга қарши ярим финалда ғалаба тўпини киритган Олли Уоткинсни алоҳида эътироф этди.

Қирол Чарлз ҳам, шаҳзода Уилям ҳам Англиянинг турнирдаги муваффақияти учун ўзларининг иштиёқларини намойиш этишмоқда. Шаҳзода Уилям финал учрашувида иштирок этиш учун Берлинга бориши кутилмоқда. Бош вазир Кий Стармер ҳам финалда иштирок этиш режаларини тасдиқлади.

Аввалроқ «Copa America» финалида кимлар қарама-қарши келиши келиши ҳақида хабар берилганди.