Қирғизистон собиқ президенти сиртдан 11,5 йилга қамалди
Қирғизистоннинг собиқ президенти Алмазбек Атамбаевга 11 йил 6 ой муддатга озодликдан маҳрум қилиш ҳақида ҳукм чиқарилди, деб хабар бермоқда «Sputnik Qirgʻiziston» нашри.
Билдирилишича, собиқ президент учта жиноий иши — ноқонуний бойлик орттириш, ерларни ўзлаштириш ва 2019 йил Қўй-Тошдаги тартибсизликлар иши бўйича айбдор деб топилган. Шунингдек, суд собиқ президент Алмазбек Атамбаевнинг мол-мулкини мусодара қилиш ва уни давлат мукофотларидан маҳрум этиш тўғрисида ҳам қарор чиқарган.
Бундан ташқари, Атамбаевнинг 4 нафар шериги — Фарид Ниёзов 7 йил 8 ой, Равшан Жеэнбеков 7 йил 8 ой, Ирина Карамушкина 7 йил 6 ой ҳамда Фарҳод Баабиэв 5 йил 6 ой муддатга озодликдан маҳрум қилинган. Собиқ давлат хавфсизлик хизмати ходими Қанат Сағимбоевга эса 5 йил давомида пробацион назоратга олиш тўғрисида қарор чиқарилган.
Маълумот учун, Алмазбек Атамбаев Қирғизистон президенти лавозимида 2011 йил декабрь ойидан 2017 йил ноябрь ойигача фаолият юритган. 2019 йилда дахлсизлик ҳуқуқидан маҳрум этилиб, ҳибсга олинган эди.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг