Фото: Bild

Германия янги ташқи ишлар вазири Йоханн Вадефуль лавозимига киришганидан буён биринчи марта Украинага келди. Унинг биринчи баёноти Россия томонидан уюштирилган тунги террор ҳақида бўлди. Ўтган кеча 477 та камикадзе дронлари, 60 та қанотли ракеталар ва баллистик снарядлар учирилган.

«Путин (Владимир Путин Россия президенти — таҳр.) Украинанинг ўз тақдирини ўзи белгилашига куч билан тўсқинлик қилмоқчи. Унинг уруши Украинани бўйсундиришдан бошқа нарсага қаратилмаган», — деди Вадефуль журналистларга.

Вазир Россия дронлари томонида урилган Киевдаги турар-жой биносига ташриф буюрган.

«Путин украиналикларга шафқатсиз террористик бомбардимонлар билан ҳужум қилмоқда. Одамлар ҳар куни ўз уйларида ҳалок бўляпти», — дея қўшимча қилган сиёсатчи.

У шу ўринда Украинани қўллаб-қувватлаш Германия ташқи сиёсатининг асосий вазифаси эканлигига ишонтирган.

«Украинанинг эркинлиги, келажаги бизнинг ташқи ва мудофаа сиёсатимизнинг энг муҳим вазифасидир. Шунинг учун биз барча саъй-ҳаракатларимизни Украинани қўллаб-қувватлашга қаратишда давом этамиз», — деди дипломат.