ПСЖ кутилмаганда “Ренн”га мағлуб бўлди
Кеча, 14 феврал куни Франция Биринчи дивизионида 22-тур ўйинлари старт олди. Кун доирасидан ўрин олган баҳсда “Ренн” жамоаси ўз майдонида ПСЖ билан куч синашди.
Учрашув кутилмаганда мезбонларнинг 3:1 ҳисобидаги ғалабаси билан якунланди. Таъкидлаш жоизки, “Ренн” клуби ПСЖга қарши ўйингача ўтказган сўнгги 3 та учрашувда мағлубиятга учраган эди.
Ушбу ўйинда ҳисоб 34-дақиқада “Ренн” жамоасининг иорданиялик футболчиси Муса Ал-Тамари томонидан очилди. Биринчи бўлим 1:0 ҳисобида якунланди.
Иккинчи бўлимнинг 69-дақиқасида Эстебан Ле Поль ҳисобни 2:0 кўринишига келтирди. Орадан 2 дақиқа вақт ўтиб, Усмон Дембеле ПСЖнинг ўйиндаги ягона голини киритди.
81-дақиқада Бреел Эмболо жамоасининг учинчи голини киритди. Шу тариқа ўйин мезбонларнинг 3:1 ҳисобидаги ғалабаси билан якунланди.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг