Фото: Dawn

Покистоннинг Беужистан музофоти Болан туманида амалга оширилган портлаш оқибатида тўққиз нафар полиция ходими ҳалок бўлди ва яна 13 киши тан жароҳати олди. Бу ҳақда маҳаллий "Urdu Alarabiya" манбаси хабар тарқатди.

Расмийларга кўра, худкуш ҳужумчи мототциклда Кантбар кўприги полициячилар машинасини нишонга олган. Ярадор зобитлар дастлаб маҳаллий касалхонага олиб келинган, кейин эса музофот маркази Кветтадаги касалхонада вертолёт билан эвакуация қилинган.

Кветта касалхонаси бош шифокорининг сўзларига кўра, теракт туфайли шифо масканида фавқулодда вазият эълон қилинган ва барча зарур ходимлар ишга жалб этилган.

Бу жорий йил бошидан бери Покистонда амалга оширилган иккинчи йирик қўпорувчилик ҳаракати ҳисобланади. Шу йилнинг январь ойида шаҳридаги масжидда амалга оширилган портлаш камида 90 кишига жароҳат олгани, уларнинг айримларининг аҳволи оғирлиги маълум қилинган эди.

Покистон ҳукумати портлашни уюштиришда гумон қилиб 23 кишини, шу жумладан ҳуқуқ-тартибот идоралари ходимларини ҳам ҳибсга олганди.