Пойтахт ҳокимлиги шаҳар аҳолисини огоҳлантирди

Фото: Муҳсин Умурзоқов / «Халқ сўзи»

Бугун, 31 октябрь куни Тошкентда кучли шамол кузатилаётгани муносабати билан пойтахт ҳокимлиги шаҳар аҳолиси ва меҳмонларини огоҳлантирди.

Билдирилишича, об-ҳаво шароитининг ёмонлашуви сабабли симларнинг узилиши, дарахтларнинг қулаши ва ҳавода чанг миқдорининг кўпайиши мумкин.

Ҳокимлик ушбу шароитда аҳолидан қуйидаги тавсияларга алоҳида эътибор бериши сўраган:

• автомобилларингизни дарахтлар ва электр узатиш линиялари остида қолдирманг;

• кўчада юришни чекланг, айниқса аллергия ёки чангга юқори сезувчанлигингиз бўлса;

• шаҳар бўйлаб ҳаракатланишда эҳтиёткор бўлинг.

«Ўзингизни, яқинларингизни ва шахсий мулкингизни асранг», дейилади хабарда.

Шунингдек, фавқулодда вазиятлар юз берганда ушбу телефон рақамларига мурожаат қилиш айтилган: 112, 1055, (71) 212-69-80, (71) 212-69-82.