Фото: Reuters

Пентагон Украинага қурол-яроғ етказиб берилишини кузатиш бўйича саъй-ҳаракатларни кучайтириш устида ишламоқда. Жумладан, Украинага оз сонли қўшимча америкалик қўшин юбориш масаласини муҳокама қилмоқда, деб хабар берди «NBC News» америкалик уч юқори мартабали амалдорга таяниб.

Ҳозирда Украинада бир неча ўнлаб америкалик ҳарбий хизматчилар, жумладан, оз сонли америкалик ҳарбийлар бор. Улар Украина армиясига қурол-яроғ етказиб беришни назорат қилади, дея аниқлик киритмоқда «NBC News». Хабар қилинишича, АҚШ Мудофаа вазири Ллойд Остин ва бошқа ҳарбий раҳбарлар ҳам бу назоратни кучайтириш ва Украинада ўз ҳарбийларига муҳим қурол тизимлари, жумладан, ҳаво мудофааси ва учувчисиз ҳаводан мудофаа тизимларидан фойдаланишда ёрдам берадиган мутахассисларга эга бўлишини таъминлашга интилмоқда.

Шу билан бирга, америкалик ҳарбийлар фронтга бормайди, бироқ улар юкларни кузатиб бориш учун қурол ва техникадаги штрих-кодларни сканерлаш учун Киевдан ташқарига чиқишга мажбур бўладилар, дейилади мақолада.

«АҚШнинг юқори мартабали расмийлари ҳар қандай янги қўшиннинг мавжудлиги чекланган ва камтарона бўлишини таъкидладилар», дейди телеканал суҳбатдошлари.

Давлат департаменти, шунингдек, АҚШ ҳукумати ходимларининг – фуқаро ва ҳарбийларнинг бошқа мамлакатларда яшаши ва ишлашига чекловлар қўймоқда, Украинада эса бу рақам кам дейди расмийлар.

Ушбу маълумотга АҚШ президенти Жо Байден ҳам муносабат билдирди.

АҚШ президенти Жо Байденнинг айтишича, Вашингтон Украинага қўшин юбормаяпти, балки турли хил материаллар етказиб бермоқда. 

«Биз Украинага қўшин юборяпмизми? Йўқ. Биз аввалгидек миллиардлаб долларлик материалларни юбормоқдамиз», деди Америка раҳбари журналистларнинг тегишли саволига жавобан.