Ўзбекистонда «Tommy Hilfiger» брендини сохталаштирганларга чора кўрилди
Иллюстратив фото
«Tommy Hilfiger» брендини сохталаштириб ишлаб чиқарган корхонага чора кўрилган. Бу ҳақда Адлия вазирлиги хабар қилди.
Қўштирноқ ичидаги тадбиркорлар истеъмолчиларни алдаш, тезда бойиб кетиш мақсадида машҳур компанияларнинг брендларидан фойдаланган ҳолда маҳсулотлар ишлаб чиқаради ёки ушбу маҳсулотларни ҳар хил чегирмалар, акциялар ва бошқача кўринишларда сотувга чиқаради.
Вазирлик томонидан «Tommy Hilfiger Licensing B.V.» Нидерландия компаниясининг товар белгисига бўлган ҳуқуқларини «П.Б.» МЧЖ бузаётганлиги тўғрисидаги мурожаат кўриб чиқилди.
Текширувлар натижасида, «П.Б.» МЧЖ томонидан «Tommy Hilfiger» товар белгисига ўхшаш бўлган белгилардан фойдаланган ҳолда ишлаб чиқарилган контрафакт трикотаж маҳсулотлар сотувга таклиф этилаётганлиги аниқланди.
Вазирлик томонидан «П.Б.» МЧЖга нисбатан тегишли таъсир чораси қўлланилди ҳамда контрафакт кийим-кечак маҳсулотларидан «Tommy Hilfiger» товар белгиларини олиб ташлаш, бунинг имкони бўлмаган тақдирда, тегишли товарларни йўқ қилиш мажбурияти юкланди.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг