Ўзбекистондан совуқ ҳаво қачон чекина бошлайди?

17:56 05 Январь 2021 Жамият
9502 0

Сўнгги кунларда Ўзбекистонда ҳаво ҳарорати кескин совиб кетди. Хўш, совуқ об-ҳаво қачон чекина бошлайди? «Халқ сўзи» нашри ушбу савол билан «Ўзгидромет»га мурожаат қилди.

«Ўзгидромет»нинг нашримизга маълум қилишича, 10 январдан бошлаб ҳаво ҳарорати секин-аста кўтарилади ва 2-7 даража илиқ бўлади.

«Янги 2021 йил келди, аммо бизнинг мамлакатимиз бўйлаб об-ҳаво шароитини ҳали ҳам маркази Сибир ҳудудлари устида жойлашган совуқ антитциклон периферияси белгиламоқда. Янги йилнинг биринчи иш ҳафтаси давомида жуда юқори босимли майдон, аномал совуқ об-ҳавони келтиради.

Кечалари совуқ 5-10 даражагача, шимолда ва чўл ҳудудларида эса 12-17 даражагача пасаяди, ҳафта охиригача эса кундуз кунлари ҳаво ҳарорати 0-5 даража совуқдан ошмайди. Ҳафта давомида ҳаво ҳарорати ўртача йиллик қийматлардан 8-10 даражага паст бўлади.

Республиканинг баъзи жойларида туман кузатилади. Ушбу даврда тоғли ҳудудларда қор кўчиши хавфи бор», деди Ахборот хизмати раҳбари.

Инобат АҲАТОВА,

"Халқ сўзи".

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?