Мирзаобод қовунларидан тайёрланган музқаймоқлар Римда ўтказилган нуфузли танловда иккинчи ўринни олди

03:39 29 Июнь 2021 Lifestyle
17539 0

Бу ҳақда Мирзаобод тумани ҳокимлиги ахборот хизмати хабар берди.

«Мирзаобод тумани нафақат анори билан, балки қовуни билан ҳам машҳурдир. Мирзаобод тумани далаларида етиштирилган полиз экинлари ўзининг хуштаъмлиги ва ширинлиги билан харидорларни ўзига жалб этиши бор гап.

Италиянинг Рим шаҳрида «Палассо деи Конгресси» саройида ўтказилган, «Таъм усталари» деб номланган Италиянинг ll-миллий кўргазмасида биринчи марта турли мамлакатлардан ташриф буюрган моҳир ошпазлар ўртасида «Дунё музқаймоқлари авлоди» деб номланган халқаро конкурс ўтказилганда, Конкурсда италиялик моҳир ошпаз Эугенно Морроне томонидан Мирзаобод қовунларидан тайёрланган музқаймоқлар фахрли иккинчи ўринга муносиб топилди.

Конкурс шартларига кўра музқаймоқлар мевалар ёки бошқа мамлакатларда етиштириладиган маҳсулотлардан тайёрланиши керак эди.

Музқаймоқ тайёрлашда Сирдарё вилояти Мирзаобод туманидан келтирилган «Қирқма», «Қариқиз», «Қорақанд» номли қовун навларидан фойдаланилган» дейилади хабарда.

 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер