Ўзбекистон U-17 терма жамоаси Марокашдан устун келди
Осиё чемпионати мусобақасига жиддий тайёргарлик кўраётган Сергей Чиготаев бошчилигидаги Ўзбекистон U-17 терма жамоаси шу кунларда Марокаш мамлакатининг Работ шаҳрида ўқув-машғулот йиғини ўтказмоқда.
Жамоа кеча ушбу йиғин доирасида Марокаш U-17 терма жамоасига қарши ўртоқлик ўйини ўтказди. Таъкидлаш жоизки, Ўзбекистон U-17 терма жамоаси амалдаги Осиё чемпиони бўлса, Марокаш U-17 терма жамоаси амалдаги Африка чемпиони ҳисобланарди.
Учрашув 3:4 ҳисобида Ўзбекистон терма жамоасининг ғалабаси билан якунланди. Ўйинда киритилган голларга Суҳроб Садиржонов (2 та) ва Лазиз Абдураимов (2 та) муаллифлик қилди.
Шу тариқа Ўзбекистон U-17 терма жамоаси йиғин доирасидаги дастлабки ўртоқлик учрашувида ғалаба қозонди.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Трамп Эрондаги ҳарбий операция «деярли якунланганини» маълум қилди
- МИБ директорига янги ўринбосар тайинланди
- Тошкент – Самарқанд пуллик йўли қурилиши 2 миллиард доллардан зиёдга баҳоланмоқда
- Тошкентда туннель девори ўпирилиб тушди
- Бир асрлик тарихга гувоҳ бино тақдири
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг