Ўзбекистон Республикаси Ташқи ишлар вазири Полша Тараққиёт ва технологиялар вазирлиги давлат котиби Гжегож Пеховяк билан музокаралар ўтказди

10:44 04 Декабрь 2022 Жамият
416 0

Фото: Ташқи ишлар вазирлиги матбуот хизмати

Ўзбекистон Республикаси Ташқи ишлар вазири Владимир Норов Полша Тараққиёт ва технологиялар вазирлиги давлат котиби, ҳукуматнинг хорижий инвестициялар бўйича ваколатли вакили, Иқтисодий ҳамкорлик бўйича комиссия Ҳукуматлараро комиссия ҳамраиси билан Гжегож Пеховяк музокаралар ўтказди.

Савдо-иқтисодий соҳадаги шерикликни янада кенгайтириш, Ўзбекистон бозорига Полша сармоялари ва энг янги технологияларни жалб этиш масалалари муҳокама қилинди.

2022 йилнинг январь-центабр ойларида товар айирбошлаш ҳажми 42 фоизга, сўнгги уч йилда эса Ўзбекистонда Полша капитали иштирокида ташкил этилган қўшма корхоналар сони икки баробарга ошгани мамнуният билан қайд этилди.

Томонлар иқтисодий дипломатияни фаоллаштириш, хусусан, Ўзбекистон-Полша ҳукуматлараро комиссияси доирасидаги қўшма ишларни давом эттиришга ўзаро тайёр эканликларини тасдиқладилар. Шу нуқтаи назардан, келгуси йилда Комиссия йиғилиши ва бизнес-форум ўтказиш зарурлиги таъкидланди.

Тўқимачилик ва рақамлаштириш соҳасида ўзаро манфаатли лойиҳаларни амалга ошириш юзасидан фикр алмашилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер