Ўзбекистон — Қатар: Ўзаро ҳамкорликнинг бугунги ҳолати ва ривожланиш истиқболлари

17:44 09 Июнь 2021 Сиёсат
3932 0

Фото: Ҳасан Пайдоев / «Халқ сўзи»

Бугун Ўзбекистон Республикаси Ташқи ишлар вазири Абдулазиз Камилов Тошкент шаҳрига ташриф билан келган Қатар Давлати Бош вазири ўринбосари, Ташқи ишлар вазири шайх Муҳаммад бин Абдураҳмон бин Жосим Ол Соний билан учрашди.

Фото: Ҳасан Пайдоев / «Халқ сўзи»


Айтиш жоизки, бу Қатар Ташқи сиёсат идораси раҳбарининг Ўзбекистонга илк расмий ташрифидир.

Фото: Ҳасан Пайдоев / «Халқ сўзи»


Музокаралар чоғида сиёсат, савдо-иқтисодий, инвестиция, транспорт-коммуникация ва маданий-гуманитар соҳалардаги Ўзбекистон — Қатар муносабатларининг ҳозирги ҳолати ва ривожланиш истиқболлари, томонларнинг халқаро тузилмалар доирасидаги ҳамкорлиги муҳокама қилинди.

Фото: Ҳасан Пайдоев / «Халқ сўзи»


Турли даражаларда бўлиб ўтадиган расмий учрашувларнинг жадвали ва ташкилий жиҳатлари кўриб чиқилди. Томонлар Афғонистондаги тинчлик жараёнини илгари суриш, унинг ижтимоий-иқтисодий инфратузилмасини қайта тиклаш бўйича биргаликдаги саъй-ҳаракатларини давом эттиришга тайёрлигини билдирди.

Фото: Ҳасан Пайдоев / «Халқ сўзи»


Жорий йил 15-16 июль кунлари Тошкент шаҳрида ўтказиладиган “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзуидаги юқори даражали халқаро конференцияда Қатар томонининг иштирокига алоҳида эътибор қаратилди.

Фото: Ҳасан Пайдоев / «Халқ сўзи»

 

Фото: Ҳасан Пайдоев / «Халқ сўзи»

 

Фото: Ҳасан Пайдоев / «Халқ сўзи»


Музокаралар якунида Ўзбекистон Республикаси Ҳукумати ва Қатар Давлати Ҳукумати ўртасида “Ҳаво қатнови тўғрисида”ги битим имзоланди. Унга кўра, “Доҳа — Тошкент — Доҳа” йўналишида тўғридан-тўғри авиа қатновларни йўлга қўйиш кўзда тутилмоқда.

Фото: Ҳасан Пайдоев / «Халқ сўзи»

“Халқ сўзи”.

Ҳасан ПАЙДОЕВ олган суратлар.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?