Фото: Миллий олимпия қўмитаси

Ўзбекистон Давлат хавфсизлик хизмати раиси ўринбосари Отабек Умаров Осиё Олимпия Кенгашининг (ООК) Марказий Осиё минтақаси бўйича вице-президенти этиб сайланди. Бу ҳақда Миллий олимпия қўмитаси хабар берди.

Қайд этилишича, кеча, 8 сентябрь куни Нью-Деҳли шаҳрида ООК Бош ассамблеяси бўлиб ўтмоқда, унинг доирасида ташкилотнинг раҳбарлик лавозимларига сайловлар бўлиб ўтган. ООК президенти лавозимига ташкилотга вақтинчалик раҳбарлик қилган Ража Рандҳир Сингх сайланди. Шунингдек, 5 та ҳудуд бўйича вице-президентлар ҳам сайланган.

Биз учун аҳамиятли тарафи, Отабек Умаров Ўзбекистон, Қозоғистон, Қирғизистон, Тожикистон, Туркманистон, Эрон ва Афғонистонни ўз ичига олган Марказий Осиё минтақаси бўйича ташкилотнинг вице-президенти этиб сайланган.

Бунгача Умаров муддати қисқа бўлган давр - Тошкент-2025 ёшлар Осиё ўйинларини ўтказиш бўйича вице-президент эди. Бу вақтинчалик лавозим мусобақа якунигача амал қилса, Марказий Осиё минтақаси бўйича вице-президентлик доимий характерга эга ва энди у қитъадаги 5 минтақадан бирида Олимпизм ривожига масъул бўлади.