OpenAI 500 миллиард долларга баҳоланди ва дунёдаги энг қиммат хусусий компанияга айланди
OpenAI компанияси ходимлари акцияларини сотиш бўйича келишувни якунлаб, ўз қийматини 500 миллиард доллар даражасига етказди. Бу ҳақда Forbes хабар қилди.
Маълумотга кўра, умумий сотув ҳажми 6,6 миллиард долларни ташкил этди. Сентябрь ойида OpenAI ходимларга 10,3 миллиард долларлик акцияларини сотишга рухсат берган эди.
Акцияларни сотиб олганлар орасида Thrive Capital, SoftBank Group, Dragoneer Investment Group, MGX ва T. Rowe Price каби йирик сармоя компаниялари бор.
Шу тариқа, OpenAI қиймати бўйича дунёдаги энг қиммат хусусий компанияга айланди. У шу кўрсаткичда Илон Маскнинг SpaceX компаниясини ортда қолдирди. Маълумотларга кўра, SpaceX қиймати тахминан 400 миллиард долларга тенг.
Хорижий ОАВнинг ёзишича, OpenAIнинг шиддатли ўсиши сунъий интеллект соҳасидаги етакчи компанияларга сармоядорлар қизиқиши кескин ошганидан далолат беради.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Жаҳон олимлари нигоҳи яна Ўзбекистонга қаратилди
- Қондаги глюкозани пасайтириш учун кечки овқатланишнинг идеал вақти маълум бўлди
- Экрандаги қабоҳатнинг ҳаётдаги акси ёки енгил-елпи сериаллар жамиятга нима беряпти?
- Президент Ўзбекистон ўқитувчи ва мураббийларига табрик йўллади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг