Оксана Чусовитина – жаҳон кубогида олтин медални қўлга киритди (+видео)
Озарбайжонда ўтаётган спорт гимнастикаси бўйича Жаҳон кубоги баҳсларида ҳамюртимиз, 49 ёшли Оксана Чусовитина олтин медални қўлга киритди.
Бугун, 8 март куни Боку шаҳрида ўтказилган финал баҳсларида Оксана Чусовитина таяниб сакраш йўналишида 13.516 балл тўплаб, ҳаммадан юқори натижа қайд этган ҳолда биринчиликни эгаллади.
Ундан кейинги ўринларда словениялик Тея Белак 13,366 балл билан иккинчи ўринни эгаллаган бўлса, 13,283 балл тўплаган яна бир словениялик гимнастикачи Тяса Кисселеф учинчи поғанада қайд этилган.
Венгриялик Грета Маер ҳамда ҳиндистонлик Саманта Протиcтха тўртинчи ҳамда бешинчи ўринларни бўлишиб олган.
Маълумот учун, Оксана Чусовитина саккиз карра Олимпиада иштирокчиси саналади. У жароҳати туфайли Париж Олимпиадасини ўтказиб юборган бўлсада, 2028 йилги Лос-Анжелес Олимпиадасида иштирок этмоқчи эканини маълум қилган.
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- АҚШ Россияга босим ўтказишнинг муқобил усулларини ўрганмоқда
- Ҳиндистонда «Монтта» циклони сабабли қарийб 90 минг киши эвакуация қилинди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг