Одам савдоси жиноятини содир этган аёл Туркиядан Ўзбекистонга депортация қилинди
Туркия ва Ўзбекистон Ички ишлар вазирликлари ҳамкорлигида ўтказилган тезкор тадбирлар натижасида одам савдоси жиноятини содир этганликда айбланиб қидирувда бўлган 1974 йилда туғилган фуқаро Р.С. Ўзбекистонга депортация қилинди. Бу ҳақида Ўзбекистон Республикасининг Истанбул шаҳридаги Бош консулхонаси хабар берди.
Унда айтилишича, «Соня» лақаби билан танилган фуқаро Р.С. 2013-2015 йилларда Бангкок шаҳрида фоҳишахона ташкил этиб, ватандош аёлларни юқори даромадли иш ваъдаси билан алдаб, Қозоғистон орқали Таиландга олиб бориб фоҳишалик қилишга мажбурлаган жиноий гуруҳ таркибида фаол иштирок этганликда айбланган.
«Мазкур шахснинг ноқонуний хатти-ҳаракатларидан жабрланган фуқароларни Ўзбекистон Республикаси Ички ишлар вазирлиги ёки унинг қуйи тизимларига, шунингдек, Истанбулдаги Бош консулхонага мурожаат қилишга чақирамиз», — дейилади хабарда.
Шунингдек, Бош консулхона сўнгги вақтларда фирибгарлик ҳолатлари бўйича мурожаатлар кўпайгани сабабли, фуқароларимизни фирибгарларга алданиб қолмасликларини ва огоҳ бўлишларини сўраган.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг