Мактабгача ва мактаб таълими вазирлиги хабарига кўра, Айдос "Braun" университетида таҳсил олади. Бу таълим муассасаси — Американинг 8 та энг қадимги университетларини ўз ичига олувчи дунёдаги энг машҳур университетлар бирлашмаси бўлган Печаклар Лигаси аъзосидир. Айдос асосий мутахассисликлар сифатида: Атроф-муҳит ҳақидаги фан ва Муҳандислик ("Environmental Science & Engineering")ни танлади: "Мен SI ва экологияга бўлган қизиқишни бирлаштирмоқчиман. Иқлим ўзгариши ёки ҳалокатларни башорат қилиш учун турли хил моделлар устида ишлаш, чат-ботлар ёрдамида экологик таълимни ривожлантириш мумкин.

Биз жамоа билан қорақалпоқ тилида экологик саволларга жавоб берадиган чат-бот устида ишлаш тажрибасига эгамиз, ботда парчаланадиган ва парчаланмайдиган предметларни таниб олиш функцияси мавжуд. Шунингдек, биз экология бўйича стол ўйинини ишлаб чиқдик. Уни такомиллаштириш ва Ўзбекистонда тарғиб этиш мумкин".

Назокат "Amherst College"га ўқишга кирди, иккита мутахассислик: Политология (Сиёсатшунослик) ва Экологик тадқиқотлар ("Political Science & Environmental Studies") мутахассисликларини эгаллашни режалаштирмоқда. "Eco-Schools Uzbekistan" лойиҳасида иштирок этиш ва Орол денгизи қуриб боришининг фожиали оқибатларини ҳис қилган ҳолда, Қорақалпоғистонда яшаш, менинг танловимда катта роль ўйнади.

Энг долзарб воқеалар 8 та мамлакатдан келган 12 кишидан иборат жамоада халқаро ёшлар экологик оромгоҳида "International Youth Statement on Climate Change" устида ишлаш ва Бокудаги COP29да иштирок этиш бўлди. Айнан ўшанда мен самарали иқлим сиёсатини ишлаб чиқиш, экспертлик муҳокамаларида қатнашиш ва Марказий Осиё овозини глобал барқарорлик кун тартибига киритиш қанчалик муҳимлигини англадим."