Наманганда фуқаро 3,2 млрд сўмлик «свет»ни ўғринча ишлатгани аниқланди
Наманган вилоятида хонадонлардан бири 3,2 млрд сўмлик электрдан ноқонуний фойдаланиб келгани аниқланди. Бу ҳақда «Ҳудудий электр тармоқлари» АЖ хабар берди.
Қайд этилишича, «Ҳудудий электр тармоқлари» АЖ Энергосавдо филиали Наманган бўлинмаси томонидан энергия ресурсларини талон-торож қилиш ҳолатларини аниқлаш ва тегишли чоралар кўриш юзасидан ҳудудларда бир қатор рейд тадбирлари ўтказилган.
Улардан бирида Наманган шаҳар «Гулпора» МФЙ ҳудудида жойлашган фуқаро А.О.га қарашли хонадоннинг электр энергиясидан фойдаланиши кўрикдан ўтказилганда, электр ҳисоблагичдан ташқари ҳолда фойдаланиб келаётгани аниқланган. Шундан сўнг тегишли тартибда ушбу ҳолат юзасидан далолатнома расмийлаштирилиб, хонадон электр таъминотидан ажратилган.
Мазкур ноқонуний фойдаланиш ҳолати ортидан 3,2 млрд сўм ҳисобга олинмаган электр энергияси қиймати қайта ҳисоб-китоб қилиниб, тўпланган ҳужжатлар ҳуқуқни муҳофаза қилувчи органларга юборилган.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг