Фото: Халқ сўзи

Кинематография агентлиги бош директори Фирдавс Абдухолиқов раҳбарлигидаги бир гуруҳ ўзбекистонлик киноижодкорлар бугун Россиянинг Москва шаҳрига ташриф буюришди. Тарихий «Мосфильм» киностудиясида ўзбекистонлик киноижодкорлар билан ижодий учрашув ва журналистлар учун пресс-тур ташкил этилди.

Эртага «Иллюзион» кинотеатрида «Ўзбекистон киноси кунлари»нинг очилиш маросими бўлиб ўтади. Маросимда «Аёл қисмати» фильми намойиш этилади.

Россиядаги миллий маданий тадбир аввалидан Россия Федерацияси Маданият вазирлигининг Кинематография ва рақамли ривожлантириш департаменти директори ўринбосари Светлана Фринчинская, «Мосфильм» киноконцерни бош директори Карен Шахназаров, «Союзмультфильм» киностудиясининг бош продюсери Юлия Осетинская, Ўзбекистон Республикаси Кинематография агентлиги бош директори Фирдавс Абдухолиқов, «Ўзбекфилм» киноконцерни директори Баҳодир Одилов, БДКИ профессори Оделша Агишев, Агентлик халқаро бўлими ходими Сайёра Худойбердиева, режиссёрлар Рашид Маликов, Дилмурод Масаидовлар иштирокида конференция бўлиб ўтди. Учрашувда рус-ўзбек ҳамкорлик лойиҳалари масаласи муҳокама қилинди.