Минораи Калонда отган тонг

15:54 08 Июль 2021 Жамият
2352 0

Фотомуҳбир - Ҳасан ПАЙДОЕВ "Ҳалқ сўзи"

Ўзбекистоннинг ҳар бир гўшасида қуёш чиқишини томоша қилиш кишига беқиёс завқ, битмас-туганмас қувват ва ёруғ умид бахш этади. Лекин шундай масканлар борки, уларда субҳидамда бўлишнинг ўзи катта бахт. Бухоронинг тарихий обидалари ана шундай масканлар маҳзанидир. 
Хусусан, Минораи Калон қадамжоси... Фотомухбиримиз Ҳасан Пайдоев ушбу улуғ даргоҳдан туриб юртимизнинг гўзал тонгини тасвирга туширди. Қуёш гўёки миноранинг пешонасидан ўпаётгандек таассурот қолдиради. Шундай дамда тарих ва келажак уйғунлашади, босилган қадамлар ва қилинадиган орзулар бир нуқтада намоён бўлади. 
Эътиборингизга ҳавола этилаётган манзараларда ана шу ҳаётий фалсафани албатта ҳис этасиз. Офтобга қўшилиб юрагингизда ҳам тонг отади.

 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?