Миллий кутубхона яқинидаги кўчалар транспорт ҳаракати учун 5 кунга ёпилади
Тошкент шаҳридаги Миллий кутубхона яқинидаги 3 та кўчада транспорт воситалари ҳаракати вақтинча чекланади. Бу ҳақда шаҳар ҳокимлиги ахборот хизмати хабар берди.
Қайд этилишича, экологик тарбия, табиатни муҳофаза қилиш ва «яшил иқтисодиёт» тамойилларини тарғиб этиш мақсадида пойтахтда «Тошкент гуллари» фестивали бўлиб ўтади. Фестивалнинг асосий тадбирлари Ўзбекистон Миллий кутубхонасининг олд майдонида ташкил қилинади.
Шу муносабат билан 29 апрелдан 3 майгача қуйидаги ҳудудларда транспорт воситалари ҳаракати чекланади:
- Зарафшон кўчасининг «Hyatt Regency Tashkent» меҳмонхонаси қўриқлаш пункти ва Матбуотчилар кўчалари оралиғидаги қисми;
- Истиқлол кўчасининг А.Темур ва Буюк Турон кўчалари оралиғидаги қисми;
- Буюк Турон кўчасининг Истиқлол кўчаси кесишмасидан Ёшлар ижод саройигача бўлган қисми.
«Кўрсатилган давр ичида муқобил йўллардан фойдаланишингизни тавсия қиламиз», дейилади хабарда.
Тавсия этамиз
Кўп ўқилганлар
- Миллий сертификат имтиҳони натижалари 21 иш куни ичида эълон қилинади — Билимни баҳолаш агентлиги
- Яна бир бозор аукционга қўйилди
- Ички ишлар вазири Бухоро вилояти ИИБнинг 10 га яқин раҳбарини ишдан бўшатди
- Ўзбекистон паспорти халқаро индексда паст натижа қайд этди
- Янги ҳафта аввалида қандай об-ҳаво кузатилиши маълум қилинди
- “Қутадғу билиг” достони қўлёзмасининг факсимиле нусхаси яратилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг